बेळगावच्या वयस्क जलतरणपटूंचे राज्यस्तरीय मास्टर्स स्पर्धेत चमकदार कामगिरी…
बेळगाव :
कर्नाटक जलतरण संघटनेने नुकत्याच आयोजित केलेल्या 25 व्या राज्यस्तरीय मास्टर्स स्विमिंग चॅम्पियनशिप -2024 या जलतरण स्पर्धेमध्ये स्वीमर्स क्लब बेळगावच्या वयस्कर जलतरणपटूंनी चमकदार कामगिरी नोंदविताना 5 सुवर्णपदकांसह एकूण डझनभर पदकांची कमाई केली.
हम्पी नगर, विजयानगर, बेंगलोर येथील कॉर्पोरेशन स्विमिंग पूल (विजयनगर एक्वाटिक सेंटर) येथे 5 आणि 6 ऑक्टोबर 2024 रोजी 25 वी राज्यस्तरीय मास्टर्स स्विमिंग चॅम्पियनशिप स्पर्धा पार पडली. सदर स्पर्धेत स्विमर्स क्लब बेळगावच्या जलतरणपटूंनी 5 सुवर्ण, 3 रौप्य व 4 कांस्य पदकं अशी एकूण 12 पदके जिंकली. पदक विजेत्या जलतरणपटूंची नावे (अनुक्रमे नांव : सुवर्ण, रौप्य, कांस्य यानुसार) पुढील प्रमाणे आहेत. लक्ष्मण कुंबार : 3, -, -. रथ्म त्यागी : 2, 1, 1. अजय आचार्य : -, 1, 2. एन. लोकप्पा : -, 1, -. सुषमा प्रभू : -, -, 1. या यशस्वी जलतरणपटूंची राष्ट्रीय मास्टर स्विमिंग चॅम्पियनशिपसाठी निवड झाली असून ते सुवर्ण जेएनएमसी जलतरण तलाव (ऑलिम्पिक आकार) बेळगाव येथे होण्याचा सराव करतात. त्यांना जलतरण प्रशिक्षक, उमेश कलघटगी, अक्षय शेरेगर, अजिंक्य मेंडके, नितीश कुडूचकर, गोवर्धन काकतकर आणि इम्रान उचगावकर यांचे मार्गदर्शन, तसेच डॉ. प्रभाकर कोरे (चेअरमन केएलई सोसायटी), जयंत हुंबरवाडी (अध्यक्ष, जयभारत फाउंडेशन), रो. अविनाश पोतदार, मानेक कपाडिया, लता कित्तूर, सुधीर कुसणे, प्रसाद टेंडोलकर आणि इतरांचे प्रोत्साहन लाभत आहे.
