बेळगाव:
बेळगाव दक्षिण मतदारसंघात अभय पाटील यांनी प्रचारात जोरदार आघाडी घेतली आहे. उपनगरी भागात झंझावती प्रचारकार्य गतिमान झाले असून, कार्यकर्ते मतदारांशी सातत्याने संपर्क साधून मतदानाचे आवाहन करीत आहेत. मतदारांच्या भेटीगाठी घेण्यासाठी उमेदवार अभय पाटील आणि या भागातील नगरसेवक सातत्याने कार्यरत आहेत.
आज शुक्रवारी सकाळी 8 वा. प्रचार फेरीला जैन कॉलेज येथून प्रारंभ झाला.प्रचार फेरी भाग्यनगर येथील गुलमोहर कॉलनी,पारिजात कॉलनी ,भाग्यनगर 4थ क्रॉस , चिदंबर नगर , एस. वी.रोड , अनगोल नाका येथून जैन कॉलेज हिंद्वाडी येते सांगता झाली.या भागात मतदारांशी संपर्क साधण्यात आला.
मतदारांनी आपण अभय पाटील यांच्या पाठीशी उभे राहणार असल्याचे सांगितले.या भागाचे नगरसेवक अभिजीत जवळकर आणि नगरसेविका वाणी जोशी यांच्यासह या भागातील सामाजिक कार्यकर्ते देखील या फेरीमध्ये उत्साहाने सहभागी झाले होते.यावेळी उपस्थित सदस्यांनी जोरदार घोषणा देवून भाग्यनगर परिसर दणाणून सोडला.
