एअरमन ट्रेनिंग स्कुलला एअर चीफ मार्शलनी भेट दिली
बेळगाव : एअर चीफ मार्शल व्ही. आर. चौधरी, हवाई दलाचे
प्रमुख (CAS) यांनी 06 जानेवारी 23 रोजी बेळगाव
येथील एअरमेन ट्रेनिंग स्कूलला भेट देऊन नव्याने नियुक्त
केलेल्या अग्निवीरवायूच्या प्रशिक्षणाची पाहणी केली.
बेळगाव येथील सांबरा एअरमेन ट्रेनिंग स्कूलचे एअर
ऑफिसर कमांडिंग एअर कमोडोर एस. श्रीधर यांनी त्यांचे
स्वागत केले. अग्निवीरवायूचे प्रशिक्षण 30 डिसेंबर 22
रोजी सुरू झाले. त्यांच्या भेटीदरम्यान, त्यांनी स्टेशनवरील
प्रशिक्षण पायाभूत सुविधा आणि अग्निवीरवायूसाठी
केलेल्या तयारीची पाहणी केली.
चौधरी यांनी प्रशिक्षकांशी देखील संवाद साधला आणि
अग्निवीरवायूस प्रशिक्षणाचे उच्च दर्जाचे प्रशिक्षण देण्याच्या
महत्त्वावर भर दिला. त्यांनी प्रशिक्षण कर्मचाऱ्यांना
आधुनिक तंत्रज्ञानाची ओळख करून देत मल्टीटास्किंग
क्षमता वाढवण्यावर लक्ष केंद्रित करण्याचा सल्ला दिला.
त्यांच्या संवादादरम्यान, त्यांनी प्रशिक्षणाची उच्च कठोरता
राखण्याच्या गरजेवरही भर दिला.
