बेळगाव महापौर, उपमहापौर
निवडणूक 6 फेब्रुवारीला
बेळगाव : बेळगाव महानगर पालिकेच्या महापौर आणि
उपमहापौर पदाची निवडणूक 6 फेब्रुवारी 2023 ही निश्चित
झाल्याचे प्रादेशिक आयुक्त डॉ. महांतेश हिरेमठ यांनी
कळवले आहे.
बेळगाव महानगर पालिकेची निवडणूक झाल्यास
जवळपास सव्वा वर्ष उलटले आहे. मात्र महापौर आणि
उपमहापौर निवडणुकीचा मुहूर्त काही लागत नव्हता.
यासंदर्भात आमदारांनी देखील दोन वेळा निवडणूक होणार
असल्याचे सांगितले होते. नुकतेच 31 जानेवारीला ही
निवडणूक होणार असल्याचे जाहीर करण्यात आले होते.
मात्र आता ही निवडणूक पुढे ढकलण्यात आली असून ती
आता 6 फेब्रुवारीला निश्चित करण्यात आल्याचे प्रादेशिक
आयुक्त डॉ. महांतेश हिरेमठ यांनी कळवले आहे. महापौर
पदासाठी सामान्य महिला तसेच उपमहापौर पदासाठी
ओबीसी महिला असे आरक्षण यापूर्वीच जाहीर करण्यात
आले आहे. यासंदर्भात अधिसूचना जारी करण्यात येणार
असल्याचे प्रादेशिक आयुक्तांनी सांगितले आहे.
