हुबळी येथे ५ वर्षांच्या मुलीची हत्या – पोलिसांच्या गोळीबारात आरोपीचा मृत्यू
हुबळी:
५ वर्षांच्या मुलीवर बलात्कार करण्याचं प्रयत्न करून आणि चिमुरडीचा हत्या करणाऱ्या आरोपीला पोलिसांनी गोळ्या घालून ठार मारले आहे.
मूळचा बिहारचा रहिवासी असलेला आरोपी रितेश कुमारचा गोळीबारात मृत्यू झाला. महिला पीएसआयने गोळी झाडली होती. छातीत गोळी लागल्याने गंभीर जखमी झालेल्या आरोपीचा रुग्णालयात उपचार वेळी मृत्यू झाला.
या प्रकरणाला उत्तर देताना, पोलिस आयुक्त एन. शशीकुमार म्हणाले की, सकाळी हुबळी येथील अशोका नगर जवळून मूल बेपत्ता असल्याची माहिती मिळाली होती. या प्रकरणातील आरोपी हा बिहारमधील पाटण्यातील रहिवासी आहे. त्याने हुबळी येथील तारिहाल जवळ घर बनवले होते. आरोपींनी आमच्या कर्मचाऱ्यांवर हल्ला केला. एका महिला पोलिस अधिकाऱ्याने हवेत गोळीबार केला. तो पळून जात असताना त्याच्यावर दोन गोळ्या झाडण्यात आल्या. त्यानंतर त्याला उपचारासाठी किम्स रुग्णालयात पाठवण्यात आले. तो रुग्णालयात मरण पावला. पीएसआय अन्नपूर्णा आणि दोन कर्मचारी जखमी झाले.
चौकशीदरम्यान, आरोपीने पोलिसांवर हल्ला केला आणि पळून जाण्याचा प्रयत्न केला. यावेळी पोलिसांनी त्याच्यावर गोळीबार केला. आयुक्त शशिकुमार यांनी रुग्णालयाला भेट देऊन जखमी पीएसआय अन्नपूर्णा आणि कॉन्स्टेबल यांच्या प्रकृतीची विचारपूस केली.
काय आहे प्रकरण?
मनोरुग्ण रितेश कुमारने आपल्या घराजवळ खेळत असलेल्या एका ५ वर्षांच्या मुलीला आमिष दाखवून उचलले. आरोपी मुलीला घेऊन जाताना सीसीटीव्हीमध्ये कैद झाला. त्यानंतर त्याने मुलीला एका गोठ्यात नेले आणि तिच्यावर बलात्कार करण्याचा प्रयत्न केला. यावेळी, मुलीने ओरडली. मुलीच्या ओरडण्याचा आवाज ऐकून शेजारी घटनास्थळी धावले.
लोकांना येताना पाहून आरोपीने मुलाचा गळा दाबून खून केला. त्यानंतर तो घटनास्थळावरून पळून गेला. या कृत्याचा निषेध करत स्थानिकांनी पोलिस ठाण्या समोर निदर्शने केली.
