एकाच कुटुंबातील चार जणांच्या हत्येचे प्रकरण :हत्येची सुपारी मुलाकडूनच.
: गदग येथील एकाच कुटुंबातील चार जणांच्या खून प्रकरणाचा छडा पोलिसांनी लावला असून मुलासह आठ आरोपींना अटक केली आहे.
दोन दिवसांपूर्वी गदग नगरपरिषदेच्या उपाध्यक्षा सुनंदा बाकळे यांचा मुलगा कार्तिकसह एकाच कुटुंबातील चौघांच्या खून प्रकरणाने संपूर्ण राज्याला हादरवून सोडले होते. आता घटनेच्या 48 तासांत पोलिसांनी 8 आरोपींना अटक केली आहे. या खुनासाठी घरातील मुलाने सुपारी दिल्याचा खुलासाही त्यांनी केला.
पोलिसांनी मुख्य आरोपी विनायक बकाले, फैरोज काझी, साहिल, सोहेल, सुलतान शेखर, जिशान काझी, महेश साळोंके, वाहिद बेपारी यांच्यासह एकूण 8 आरोपींना अटक केली आहे.
सुनंदा बकाले यांचे पती प्रकाश बकाळे यांच्या पहिल्या पत्नीचा मुलगा विनायक बकाले याने भावाच्या हत्येची सुपारी देऊन हत्या केली. पहिल्या पत्नीच्या मृत्यूनंतर प्रकाश बकाले यांनी सुनंदासोबत लग्न केले. विनायक बकाले यांच्या नावावर अनेक मालमत्ता होत्या. विनायकने काही मालमत्ता प्रकाश बकले यांना न सांगता विकली होती. ही बाब समजताच प्रकाश बकाळे यांनी मुलगा विनायक याच्याकडे चौकशी केली. दोघांमध्ये भांडण होत होती .या वागण्याने विनायक खूप नाराज झाल्याचे दिसते. या कारणावरून विनायक बकाले याने कार्तिक बकाले याला ठार मारण्याचा कट रचून सुपारी दिली.
60 लाख आणि आगाऊ रक्कम म्हणून 2 लाख दिले. मारेकऱ्यांनी कार्तिकसह चार जणांची घरातच हत्या केली. मालमत्तेच्या वादातून ही हत्या झाल्याचे पोलिसांनी सांगितले.
