सिलेंडर गळतीमुळे लागलेली आग; चार जण गंभीर जखमी*
बेळगाव :
बेळगावात आगीची दुसरी घटना घडली आहे.घरातील सिलेंडर लीक होऊन स्फोट झाल्याने आग लागल्याची घटना घडली असून पती-पत्नी आणि मुलांसह चार जण गंभीर जखमी झाले आहेत.
गांधीनगर येथील सुभाष गल्ली येथील मंजुनाथ यांच्या घरी घटना घडली.चहा बनवण्यासाठी लायटर लावत असताना सिलेंडरने पेट घेतला आणि आग लागली.
या घटनेत NWKSRTC कर्मचारी मंजुनाथ आणि पत्नी लक्ष्मी गंभीर जखमी झाले.वैष्णवी (१३) आणि साईप्रसाद (१०) ही मुले किरकोळ जखमी झाली.जखमींना रुग्णालयात दाखल करण्यात आले आहे.मालमारुती पोलीस ठाण्याने घटनास्थळी भेट देऊन तपासणी केली.
