बेळगाव :
भारतीय जैन मिलन संघटनेच्या वतीने बेळगावातील धर्मनाथ भवनात भगवान महावीर जन्म कल्याणक अर्थात जयंती आज भक्तिभावाने विविध धार्मिक विधींनींशी साजरी करण्यात आली. समस्त विश्‍वाला त्याग आणि अहिंसेचा संदेश देणारे जैन धर्माचे 24वे तीर्थन्कर भगवान महावीर यांची 2632वी जयंती बेळगावात आज उत्साह, भक्तिपूर्ण वातावरणात साजरी करण्यात आली.
धर्मनाथ नगरातील धर्मनाथ भवनात भारतीय जैन मिलन संघटनेच्या वतीने त्याचे आयोज यावेळी भगवान महावीर यांच्या जयंतीनिमित्त धर्मनाथ भवनात पंचामृत अभिषेक, पाळणा, जन्मसोहळा आदी विधी पार पडले. या उत्सवात सुमारे एक हजार जैन श्रावक-श्राविका सहभागी झाले होते. जन्मकल्याणक निमित्त पंचामृत अभिषेक व अन्य धार्मिक पूजाविधी करण्यात आले. त्यानंतर भगवान महावीरांचा पाळणा उत्सव पार पडला. महिला भक्तांनी पाळणा गीते गाऊन बाल महावीरांच्या जन्मसोहळा साजरा केला.
