ಚಿತ್ರರಂಗಕ್ಕೆ ಮತ್ತೊಂದು ಶಾಕ್: ಹಿರಿಯ ನಟ, ನಿರ್ದೇಶಕ ಸತೀಶ್ ಕೌಶಿಕ್ ವಿಧಿವಶ
ಬಾಲಿವುಡ್ ನಟ-ನಿರ್ದೇಶಕ ಸತೀಶ್ ಕೌಶಿಕ್(66) ನಿಧನರಾಗಿದ್ದಾರೆ. ಸತೀಶ್ ಕೌಶಿಕ್ ನಟ, ಹಾಸ್ಯನಟ,ಚಿತ್ರಕಥೆಗಾರ, ನಿರ್ದೇಶಕ ಮತ್ತು ನಿರ್ಮಾಪಕ. ಅವರು ಏಪ್ರಿಲ್ 13, 1965 ರಂದು ಹರಿಯಾಣದಲ್ಲಿ ಜನಿಸಿದರು. ಬಾಲಿವುಡ್‌ನಲ್ಲಿ ಬ್ರೇಕ್ ಪಡೆಯುವ ಮೊದಲು ಅವರು ಚಿತ್ರಮಂದಿರಗಳಲ್ಲಿ ಕೆಲಸ ಮಾಡಿದ್ದರು.
ಚಲನಚಿತ್ರ ನಟನಾಗಿ, ಸತೀಶ್ ಕೌಶಿಕ್ 1987 ರ ಸೂಪರ್ ಹೀರೋ ಚಲನಚಿತ್ರ ‘ಮಿಸ್ಟರ ಇಂಡಿಯಾ’ದಲ್ಲಿ ಕ್ಯಾಲೆಂಡರ್ ಪಾತ್ರದಲ್ಲಿ ‘ದೀವಾನಾ ಮಸ್ತಾನಾ'(1997) ನಲ್ಲಿ ಪಪ್ಪು ಪೇಜರ್ ಆಗಿ ಮತ್ತು ಸಾರಾ ನಿರ್ದೇಶಿಸಿದ ಬ್ರಿಟಿಷ್ ಚಲನಚಿತ್ರ ಬ್ರಿಕ್ಸ್ ಲೇನ್ (2007) ನಲ್ಲಿ ಚಾನು ಅಹ್ಮದ್ ಪಾತ್ರದಲ್ಲಿ ಹೆಸರುವಾಸಿಯಾಗಿದ್ದರು. ಸತೀಶ್ ಕೌಶಿಕ್ 1990 ರಲ್ಲಿ’ರಾಮ್ ಲಖನ್’ ಮತ್ತು 1997 ರಲ್ಲಿ ‘ಸಾಜನ್ ಚಲೇ ಸಸುರಲ್’ ಗಾಗಿ ಫಿಲ್ಡ್ ಫೇರ್ ಅತ್ಯುತ್ತಮ ಹಾಸ್ಯನಟ ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ಸತೀಶ್ ಕೌಶಿಕ್ ಅವರು ಪತ್ನಿ ಹಾಗೂ ಓರ್ವ ಪುತ್ರಿಯನ್ನು ಅಗಲಿದ್ದಾರೆ. ಅವರ ನಿಧನಕ್ಕೆ ಬಾಲಿವುಡ್ ಕಂಬನಿ ಮಿಡಿದಿದೆ.
